Спадчына: Сасноўскі Аляксандр Пятровіч
Аўторак, 22 Май 2018 10:08
7 сакавіка 2018 г. — 25 гадоў з часу стварэння сімфанічнага аркестра Брэсцкага акадэмічнага тэатра драмы імя Ленінскага камсамола Беларусі (1993)
У Брэсце да пачатку 1990-х гадоў склалася шырокая музычная аўдыторыя, грамадскасць горада цікавілася класічнай і сучаснай музыкай, ведала яе і любіла. У 1992 г. было арганізавана Брэсцкае музычнае таварыства. Абласная філармонія, створаная ў 1986 г., арганізоўвала канцэрты музычных калектываў і асобных выканаўцаў, мела свае творчыя ансамблі. Плённа працавала музычнае вучылішча, у якім з 1951 г. дзейнічае сімфанічны аркестр (у 1994 г. аркестру прысвоена званне народнага).